भक्तपुर, ९ साउन । चाँगुनारायण नगरपालिकले झौखेलका क्षेत्रहरुमा सञ्चालनमा रहेको पाँच वटा खानेपानी उद्योग माथि प्रतिबन्ध लगाएको छ । नगरपालिकाका उपप्रमुख एवं अनुगमन समितिका संयोजक रमेश बुढाथोकीको अध्यक्षतामा बसेको समितिको बैठकले झौखेलमा सञ्चालनमा रहेका पाँच खानेपानी उत्पादन गर्ने उद्योगलाई आजकै मितिदेखि पानी बिक्री वितरण गर्न नपाउने गरि प्रतिबन्ध लगाएर कारबाही प्रक्रिया अगाडि बढाएको हो ।

पानी उत्पादन कम्पनीहरुलाई पानीको गुणस्तर मापनका लागि ल्याबको समेत व्यबस्था गर्न निर्देशन दिएको थियो । नगरपालिकाको निर्देशनको अबज्ञा गर्ने उद्योगहरूलाई नियमानुसार कानुनी कारबाही गरिने जनाएको छ ।