चाँगुनारायण (दुवाकोट), ६ भदौ । चाँगुनारायण नगरपालिका वडा नं. २ कार्यालय दुवाकोटले कुशे औंसी अर्थात बाबुको मुख हेर्ने सन्दर्भमा आयोजना गरेको जेष्ठ नागरिक सम्मान तथा स्वास्थ्य परीक्षण ३५० भन्दा बढी जेष्ठ नागरिकको सहभागितामा सम्पन्न भएको छ ।

कार्यक्रमको उद्घाटन गर्दै चाँगुनारायण नगरपालिकाका प्रमुख जीवन खत्रीले जेठ नागरिकको स्वस्थ्य परीक्षण र सम्मान गरेर एकदमै सह्राननीय कार्य गरेको उहाँल बताउनुभयो ।

नगर प्रमुख खत्रीले भन्नुभयो, “ हाम्रा अभिभावक, हाम्रा मार्गनिर्देशक र समाजको अगुवा नेतृत्व जेष्ठ नागरिकहरुलाई स्वास्थ्य परीक्षण एवं सम्मान कार्यक्रमलाको आयोजना गरेर निकै राम्रो काम गरेको छ । जेष्ठ नागरिकहरुको सम्मान र आदर गर्न नसकेसम्म सम्बृद्धि समाज र सुखी नेपाली हुन सक्दैन । यहाँ बस्नेत प्रत्येक नागरिको हरेक सुख दुःखमा तपाईहरु संगसंगै हुनुहन्छ भनेर उदाहरणको एउटा नमूना प्रस्तुत गर्नु भएको छ । वडावासी प्रतिको निरन्तर सेवामा अनवरत रुपमा लाग्न अनुरोध गर्दछु । त्यसका लागि नगरपालिकाले गर्ने सहयोग गर्नेछ ।”

कार्यक्रममा ३५० जना भन्दा बढी जेष्ठ नागरिकको सहभागिता रहेको वडाध्यक्ष सोम प्रधानले जानकारी दिनुभयो । उहाँले निःशुल्क स्वास्थ्य परीक्षणमा ९४ जना जेष्ठ नागरिकले सेवा लिएको र उहाँहरुको ईको, इसिजी, अल्ट्रासाउण्ड, आँखा, दाँत, जनरल स्वास्थ्य परीक्षण गरिएको बताउनु भयो ।

स्वास्थ्य परीक्षणमा मोतियाविन्दु भएको १८ जना जेष्ठ नागरिकको निःशुल्क मोतियाविन्दुको शल्यक्रिया गरिने बताउदै उहाँले वडाले अस्पताल लैजाने, ल्याउने र उपचारको सबै व्यबस्थापन गरिदिने वडाध्यक्ष प्रधानले जानकारी दिनुभयो । कार्यक्रममा जेष्ठ नागरिकहरुलाई बिहानको नास्ता, फलफूल, दिउँसोको खाना, खाजाका व्यबस्था गरेको थियो ।

वडाध्यक्ष प्रधानका अनुसार वडाका जेष्ठ नागरिकलाई रुद्राक्ष माला, जाडोको लागि न्यानो हुने दोसल्ला एवं पछ्यौरा, स्टिलको थर्मस्‌लगायतका बिभिन्न सामाग्रीहरु प्रदान गर्नु भएको थियो । जेष्ठ नागरिकलाई खैजडी भजनमार्फत मनोरञ्जन प्रदान गर्नुका साथै जेष्ठ नागरिकहरु निकै खुसी भएर घरघरमा पुर्याउने कार्य गरेको जानकारी दिनुभयो ।