खरिपाटी, ५ जेठ । एक वर्ष अगाडि चाँगनारायण नगरपालिकामा सरुवा भई आउनु भएका चाँगुनारायण नगरपालिकाका प्रमुख प्रशासकीय अधिकृत शिव प्रसाद हुमेगाइँको विदाई गरिएको छ । यही जेठ २ गतेको संघीय मामिला तथा सामान्य प्रशासन मन्त्रालयको निर्णयअनुसार काभ्रेपलाञ्चोक जिल्ला समन्वय समितीमा सरुवा भएका हुमेगाइँको सोमबार नगरपालिकाको हलमा आयोजना गरेको विदाई कार्यक्रममा बिदाई गरिएको हो ।

नगरपालिकाका नगर प्रमुख जीवन खत्रीले हुमेगाइँलाई दासल्ला ओढाएर सम्मान पत्र र मायाको चिनो प्रदान गर्दै सम्मान गरेका हुन् । कार्यक्रममा नगरपालिकाका प्रमुख खत्रीले नगरपालिाको विकासमा आफले गरेको काम र निर्णयहरुमाको कार्यान्वयनमा हुमेगाइँको महत्वपूर्ण भूमिका निर्वाह गरेको बताए । मेयर खत्रीले एक वर्षे चाँगुनारायणको कार्यकाल सफल रहेको भन्दै आगामी यात्रा पनि सफलता पूर्वक सम्पन्न गर्न शुभकामना प्रदान गरेका छन् ।

मेयर खत्रीले कमलविनायक(नगरकोट सडकको ठेक्का लगाउने कार्य सम्पन्न भएको र चालु आर्थिक वर्षका अधिकांश योजना कार्यान्वयनको चरणमा रहेको बताउदै सरुवा नियमित प्रक्रिया भएकाले सबै शाखाका कर्मचारीहरुलाई जनप्रतिनिधिको सपना साकार पार्न सहयोग गर्न आग्रह गर्नुभयो ।

नगरपालिकाका प्रशासन अधिकृत सुरज पौडेल, कानूनी सल्लाहकार किरण न्यौपाने, विभिन्न शाखाका प्रमुख तथा कर्मचारीहरुले प्रमुख प्रशासकीय अधिकृत हुमेगाइँलाई टीका, खादा, मायाको चिनो प्रदान गर्नु भव्य रुपमा विदाई गरेको हो । प्रमुख प्रशासकीय अधिकृतको रुपमा मोहन कुमार श्रेष्ठले बुधबारदेखि जिम्मेवारी समाल्ने भएका छन् ।

https://www.facebook.com/reel/2188750044901536