चाँगुनारायण, १४ साउन : विश्व सम्पदा सूर्चीमा सुचिकृत एवं विश्व प्रसिद्ध एतिहासिक चाँगुनारायण मन्दिरमा एक वर्षमा कूल ३१ हजार २२५ विदेशी पर्यटकको आगमन भएको छ ।  आर्थिक वर्ष २०८१/०८२ को १२ महिनामा चाँगुनारायण मन्दिरको अवलोकनका लागि उक्त संख्यामा विदेशी पर्यटकको आगमन भएको चाँगुनारायण पर्यटक सूचना केन्द्रकी प्रमुख सविता बस्नेतले जानकारी दिनुभयो ।

विदेशी पर्यटकमा पनि भारत लगायत सार्क राष्ट्रबाट ५ हजार ७५६ पर्यटकको आगमन भएको उहाँले जानकारी दिनुभयो । त्यसबाहेक यूरोपियन देशहरुबाट २५ हजार ४५९ पर्यटकको आगमन भएको उहाँले जानकारी दिनुभयो ।  विदेशी पर्यटकबाट चाँगुनारायणले कूल रु.एक करोड १९ लाख १० हजार ४०० राजस्व संकलन गरेको केन्द्रकी प्रमुख बस्नेतले जानकारी दिनुभयो ।

जसमध्ये भारतलगायत सार्क राष्ट्रबाट आएका पर्यटकबाट प्रतिव्यक्ति रु. ३०० का दरले पर्यटन शुल्क वापत रु. १७ लाख २६ हजार ८०० राजस्व संकलन भएको हो । त्यस्तै अन्य राष्ट्रबाट आएका पर्यटकबाट प्रतिव्यक्ति रु.४०० का दरले   रु. एक करोड एक लाख ८३ हजार ६०० राजस्व संकलन भएको उहाँले जानकारी दिनुभयो ।

चाँगुनारायणको अवलोकन गर्न आउने विदेशी पर्यटकले चाँगुनारायणको कला, ऐतिहासिक एवं धार्मिक पक्ष, वास्तुकला, मूर्तिकलाकाबारेमा जानकारी लिने गरेका छन् भने अन्य भारतलगायतबाट आएका पर्यटकले भने चाँगुनारायण, किलेश्वरलगायतको पूजा एर्व दर्शन गर्ने र यहाँको महत्वताका बारेमा जानकारी लिने गरेका छन् ।

चाँगुनारायणमा आन्तरिक पयएटक भने वर्षमा एक लाख भन्दा बढीको आगमन हने गरेको छ । आन्तरिक पर्यटक अवलाकनका साथै धार्मिक कार्यका लागि बढी आउने गरेका छन् । विशेष गरि हरिशयणी हरि बोधिनी एकादशीमा यहाँ हजारौको भीड लाग्ने गर्दछ भनृ नाग पञ्चमी, मंसीर पूर्णिमालगायतका बिभिन्न चाँड र पर्वमा पनि आन्तरिक पर्यटकको भीड लाग्ने गर्दछ ।

चाँगुनारायण नगरपालिकाका प्रमुख जीवन खत्रीले पर्यटन शुल्क वापत सकलन भएका रकमलाई नगरपालिकाले चाँगुनारायण क्षेत्रसंगै नगरभित्रका बिभिन्न ऐतिहासिक, धार्मिक, पुरातात्विक एव पर्यटकीय क्षेत्रको विकासका लागि खर्च गर्दै आएको बताउनुभयो ।

नगर प्रमुख खत्रीले भन्नुभयो, “धार्मिक एव पर्यटकीय क्षेत्रमा आन्तरिक तथा बाह्य पर्यटकको आगमन बृद्धि गर्ने लक्ष्यका साथ हामीलृ यस वर्ष नगरकोट भ्रमण वर्ष–२०८२ मनाएका छौँ । गत बैशाख १ गतेदेखि सुरु भएको भैमण वर्ष आगामी चैत्रसम्म सञ्चालन हुनेछ । यसले समग्र चाँगुनारायण नगरपालिका क्षेत्र भित्र रहेको धार्मिक सम्पदा, मठ मन्दिर र पयटकीय क्षेत्रको विकास, अध्ययन, अनुसन्धान र पर्यटनको बिकास गर्दै आमनगरवासीको आर्थिक उपार्जनमा बृद्धि गर्ने लक्ष्य राखेका छौँ ।”

उहाँले भ्रमण वर्ष अबधीमा एक लाख विदेशी पर्यटक र १० लाख आन्तरिक पर्यटक भित्रयाउने लक्ष्यका साथ बिभिन्न कार्यक्रमहरु गर्दै आएको बताउनुभयो । चाँगुनारायणलाई धार्मिक पर्यटकीय क्षेत्रको रुपमा विकास गर्न लक्ष्यका साथ नगरपालिका अगाडि बढेको बताउनुभयो ।

त्यसैगरि नगरकोटमा पनि भ्रमण वर्षको शुभारम्भसंगै विदशी पर्यटकको आगमन बढेको नगर प्रमुख खत्रीले जानकारी दिनुभयो । ११ वर्ष अलपत्र भक्तपुर नगरकोट सडक चाँगुनारायण नगरपालिका आफैले आन्तरिक श्रोतबाट रु. १७ करोडको बोलपत्र आव्हान गरि कालोपत्र गरेपछि नगरकोट जान निकै सहज भएकाले पनि विदेशी पर्यटकको आगमन बढेको हो । आन्तरिक र बाह्य पर्यटकको चाप बढेसंगै विदाका दिन र शुक्रबार एवं शनिवार नगरकोट बस्ने गर जान अग्रिम बुकिङ्ग नगरे ठाउँ नपाइने अबस्था आएको  उहाँले जानकारी दिनुभयो ।

नगरकोटमा पछिल्लो समय पर्यटकको आगमन बृद्धि भएसंगै पर्यटन व्यवसायीहरु उत्साहित भएको र होटलहरुमा करोडौको लगानी थप गर्दै नयाँ होटलहरुसमेत निर्माण भइरहेको बताउनुभयो । नगरकोट सूर्योदय, सूर्यास्त र हिमाल हेर्न मात्रै नभई नगरकोटका होमस्टेदेखि यहाँका कला, संस्कृति, परम्परा, प्राकृतिक दृश्यावलोकनका लागि समेत नगकोटको बसाई लम्ब्याउन सक्ने गरि कार्यक्रमहरु ल्याएको नगर प्रमुख खत्रीले जानकारी दिनुभयो ।